தல அஜித் தற்போது ஹெச் வினோத் இயக்கத்தில் தனது 61வது படத்தில் நடித்து வருகிறார். ஹெச் வினோத் உடன் அஜித்துக்கு இது மூன்றாவது படம். தல அஜித் பிறந்தநாளுக்கு இந்த படத்தின் டைட்டில் மற்றும் பர்ஸ்ட் லுக் வரும் என்று தான் ரசிகர்கள் காத்திருந்தார்கள், ஆனால் அப்படி எதுவும் நடக்கவில்லை.
இந்நிலையில் தற்போது பரவி வரும் லேட்டஸ்ட் தகவல் என்னவென்றால் வரும் ஆகஸ்ட் 13ம் தேதி ஏகே61 படத்தில் பர்ஸ்ட் லுக் போஸ்டர் வெளிவர வாய்ப்பிருக்கிறது என்பது தான்.
தயாரிப்பாளர் போனி கபூரின் மனைவி ஸ்ரீதேவியின் பிறந்தநாள் தான் ஆகஸ்ட் 13. நடிகர் தல அஜித்தும் ஸ்ரீதேவி மீது அதிகம் மரியாதை வைத்திருந்தார், அவரது இங்கிலிஷ் விங்கிலீஷ் படத்தில் சம்பளம் வாங்காமல் கூட நடித்து கொடுத்திருக்கிறார் என்பது எல்லோருக்கும் தெரிந்த விஷயம் தான். அதனால் தற்போது தல அஜித் ரசிகர்கள் ஆகஸ்ட் 13ம் தேதிக்காக காத்திருக்க தொடங்கி இருக்கிறார்கள்.
தல அஜித் தற்போது ஐரோப்பிய நாடுகளில் இருக்கிறார். அவர் அங்கு பைக் ட்ரிப் செல்லும் புகைப்படங்கள் அதிகம் வந்துகொண்டிருக்கிறது. இந்த மாத இறுதியில் இந்தியா திரும்பி ஏகே61 ஷூட்டிங்கில் கலந்துகொள்வார் என எதிர்பார்க்கப்படுகிறது.
Post a Comment