Lyca Reply about Indian 2 Dropped Issue : தமிழ் சினிமாவின் பிரம்மாண்ட இயக்குனரான ஷங்கர் இயக்கத்தில் உலக நாயகன் கமல்ஹாசன் நடிப்பில் உருவாகி வரும் திரைப்படம் இந்தியன்2.
படப்பிடிப்பு தொடங்கியதிலிருந்தே பல்வேறு பிரச்சினைகளை சந்தித்து வருகிறது. கிரேன் அறுந்து விழுந்த விபத்தில் தொழிலாளர்கள் பலியானது பெரும் பரபரப்பை ஏற்படுத்தியுள்ளது.
மேலும் தொடர்ந்து பல சர்ச்சைகளை படம் சந்தித்து வருவதால் இந்த படத்தை கைவிட்டு விடலாம் என லைக்கா நிறுவனம் முடிவெடுத்து இருப்பதாகவும் அதனை சன் பிக்சர்ஸ் நிறுவனம் கைப்பற்ற இருப்பதாகவும் தகவல்கள் வெளியாகி இருந்தன.
இந்த நிலையில் தற்போது இதுகுறித்து லைக்கா நிறுவனம் விளக்கம் அளித்துள்ளது. இந்தியன் 2 படத்தை கைவிட இருப்பதாக வெளியான தகவல் உண்மையல்ல என அந்நிறுவனம் கூறியுள்ளது. கமல்ஹாசனுக்கும், லைகா நிறுவனத்துக்கும் இடையே உரசல் ஏற்பட்டதாகவும், இதனால் படம் கைவிடப்படுவதாகவும் கூறப்பட்டு வந்தது. இந்நிலையில், தற்போது தொடங்கியுள்ள இத்திரைப்படத்தின் போஸ்ட் புரெடக்ஷன் பணிகள் அந்த செய்திகளை பொய்யாக்கியுள்ளது.
கொரோனா அச்சுறுத்தலால் ஒரு மாதத்திற்கும் மேலாக நிறுத்தப்பட்டிருந்த திரைத்துறை பணிகளில் போஸ்ட் பணிகள் மட்டும் நடத்திக்கொள்ள தமிழக அரசு அனுமதியளித்தது. இதனையடுத்து இன்று போஸ்ட் புரொடக்ஷன் பணிகளை தொடங்கிய படங்களில் இந்தியன் 2 படமும் ஒன்று. இன்று இத்திரைப்படத்தின் எடிட்டிங் பணிகள் 2 இடங்களில் நடைபெற்றது..
ராட்சத கிரேன் அறுந்து விழுந்த விபத்து காரணமாக இந்தியன் 2 கைவிடப்படுகிறது என கூறப்பட்டு வந்த நிலையில் தற்போது வெளியாகியுள்ள இந்த செய்தி கமல் ரசிகர்களை உற்சாகப்படுத்தியுள்ளது.
Post a Comment