சூப்பர் ஸ்டார் ரஜினிகாந்த் நடிப்பில் சன் பிக்சர்ஸ் தயாரிப்பில் அடுத்ததாக வெளியாகவிருக்கும் திரைப்படம் அண்ணாத்த. சிறுத்தை சிவா இயக்கியுள்ள இந்தப் படத்திற்கு இமான் இசையமைத்து வருகிறார்.
மேலும் இந்த படத்தில் ரஜினியுடன் குஷ்பூ, மீனா, சூரி, சதீஷ், கீர்த்தி சுரேஷ், நயன்தாரா, பிரகாஷ்ராஜ் என பெரிய நட்சத்திர பட்டாளமே நடித்து வருகின்றனர். மேலும் அண்ணாத்த படம் 2021 தீபாவளி வெளியீடு என்று ஏற்கனவே அறிவித்துவிட்டனர்.
அதனைத் தொடர்ந்து ரஜினியின் அடுத்த படத்திற்கான இயக்குனர்கள் தேர்வு விறுவிறுப்பாக நடைபெற்று வருகின்றன. மேலும் ரஜினியின் 169 வது படத்தை இயக்குனர் பாண்டிராஜ் அல்லது தேசிங்கு பெரியசாமி இருவரில் ஒருவர் இயக்க வாய்ப்பு இருப்பதாக கூறுகின்றனர்.
ரஜினி தன்னுடைய உடல் எடையை கருத்தில் கொண்டு இன்னும் குறைந்தது இரண்டு படங்கள்தான் செய்வார் என ஏற்கனவே தகவல்கள் வெளிவந்தன. அந்த வகையில் ரஜினியின் கடைசி படத்தை யார் இயக்குவார்? என்ற கேள்வியும் எழுந்தது.
அதை ரஜினி ஏற்கனவே முடிவு செய்துவிட்டாராம். தன்னுடைய கடைசி படத்தை தனக்கு ஏற்கனவே பல வெற்றிகளை கொடுத்த மூத்த இயக்குனர் ஒருவருக்குத்தான் தரப்போகிறேன் என தன்னுடைய வட்டாரத்திற்கு சஸ்பென்ஸ் வைத்து விட்டாராம்.
அது கண்டிப்பாக கேஎஸ் ரவிக்குமாராகத்தான் இருக்கும், அப்படி இல்லை என்றால் பி வாசுவாக இருக்கும் என இப்போதே ரசிகர்கள் தங்களுடைய கணிப்புகளை பேச ஆரம்பித்துவிட்டனர்.
Post a Comment