ஓராண்டுக்கு பிறகு அஜித் நடிப்பில் வெளிவர உள்ள விஸ்வாசம் படத்தை காண அவரது ரசிகர்கள் ஆவலுடன் உள்ளனர். அண்மையில் வெளியான விஸ்வாசத்தின் அடிச்சிதூக்கு, வேட்டிகட்டு பாடல்கள் நல்ல வரவேற்பை பெற்ற நிலையில், படத்தின் ட்ரெய்லர் வெளியாகி அஜித் ரசிகர்களை உற்சாகப்படுத்தி உள்ளது
வாழ்க்கையில ஒரு தடவ அழாத பணக்காரணும் இல்ல, ஒரு தடவ சிரிக்காத ஏழையும் இல்ல என்று அஜித் பேசும் வசனத்துடன் ட்ரெய்லர் தொடங்குகிறது. 2 நிமிடம் 16 வினாடிகள் ஓடும் ட்ரெய்லரில் ஏர் கலப்பையுடன் அஜித் நடந்து வரும் காட்சி, மீசையை முறுக்குவது, என் கதையில நான் வில்லன்டா என அவர் பேசும் பஞ்ச் டயலாக், சண்டை காட்சிகள் அஜித் ரசிகர்களை உற்சாகப்படுத்தி உள்ளன.
கிராமத்து பெண்ணாக நயன்தாரா நடித்திருப்பது, கிராமத்தின் சூழல், குடும்ப பாசம், மாஸ் சண்டை காட்சிகள் என பக்கா கமர்சியல் படமாக விஸ்வாசம் உருவாகியுள்ளதை படத்தின் உணர்த்துகிறது. டிரெய்லர் வெளியான ஒன்றரை மணி நேரத்தில் 6 லட்சத்து 42 ஆயிரம் லைக்ஸ்களை பெற்று சாதனை படைத்திருந்தது.
இந்நிலையில், ட்ரைலர் வெளியான 423 நிமிடங்களில் 1 மில்லியன் லைக்ஸ்களை குவித்து சாதனை படைத்துள்ளது. உங்க மேல கொல கோவம் வரணும், ஆனா உங்கள எனக்கு பிடிச்சிருக்கு சார், பேரு தூக்குதுரை, தேனி மாவட்டம் ஊரு கொடுவிளார்பட்டி, பொண்டாட்டி பேர் நிரஞ்சனா, பொண்ணு பேர் ஸ்வேதா, ஒத்தைக்கு ஒத்த வாடா என்ற வசனம் பேட்ட படத்துக்கு இடம்பெற்ற வசனத்திற்கு பதில் என இணையத்தில் அஜித் ரசிகர்கள் கருத்துகளை பதிவிட்டு வருகின்றனர்.
Post a Comment