அடுத்த மாதம் பஜாஜ் அறிமுகம் செய்ய இருக்கும் புதிய பல்சர் என்எஸ்160 பைக்: விலை உள்ளிட்ட முழு விவரம்.!

இந்திய ஆட்டோமொபைல் தயாரிப்பு நிறுவனமான பஜாஜ் ஆட்டோ, இந்திய சந்தையில் புதிய பைக் ஒன்றை விரைவில் அறிமுகம் செய்ய உள்ளது.

VIDEO : Lamborghini Aventador with Savini Wheels Part II

Powered by

பல்சர் சீரீஸில் இடம்பெற இருக்கும் புதிய ‘பல்சர் என்எஸ்160' என்ற பைக்கை பஜாஜ் நிறுவனம் சில நாட்களாகவே பரிசோதனை செய்து வந்தது. தற்போது இந்த புதிய பைக் பஜாஜ் டீலர்ஷிப் ஒன்றில் காணப்பட்டது.

  

புதிய பல்சர் என்எஸ் 160 பைக் முன்னதாக கைவிடப்பட்ட ‘பல்சர் ஏஎஸ்150' பைக்கை அடிப்படையாகக் கொண்டது. இது பல்சர் சீரிஸில் இடம்பெற இருக்கும் புதிய மாடல் ஆகும்.

  

பல்சர் 150 பைக்குக்கு அடுத்த இடத்தில் இந்த புதிய என்எஸ்160 பைக் நிலைநிறுத்தப்படும். மேலும் இது என்எஸ் 200 பைக்கின் இளைய சசோதரனாக விளங்கும்.

  

புத்தம் புதிய என்எஸ்160 பைக்கில் ஹாலோஜன் முகப்பு விளக்கு, ஸ்பிலிட் சீட்கள், எல்ஈடி பின்புற விளக்கு, டிஜிடல்-அனலாக் கிளஸ்டர் பேனல், அண்டர் பெல்லி எக்ஸ்ஃஸாஸ்ட் பைப், ஸ்பிலிட் க்ரேப் ரெயில்கள் ஆகியவை உள்ளன.

  

மேலும் என்எஸ்200, டோமினார்400 போன்ற பைக்குகளில் பயன்படுத்தப்படும் ஸ்டீல் பெரிமீட்டர் ஃபிரேம் இதில் பயன்படுத்தப்பட்டிருப்பதால் பல்சர் 150, பல்சர் 180 பைக்குகளைக் காட்டிலும் இதனை ஹேண்டில் செய்வது எளிதாக அமையும்.

  

துருக்கியில் விற்பனையில் உள்ள பல்சர் என்எஸ்160 பைக்கில் சிங்கில் சேனல் ஏபிஎஸ் பிரேக்கிங் சிஸ்டம் உள்ளது. ஆனால் இந்தியாவில் களமிறங்கும் என்எஸ்160ல் இது இடம்பெறாது என தெரியவருகிறது.

  

இதன் மூத்த சகோதரனான என்எஸ்200 பைக்கில் உள்ளது போன்ற ரியர் டிஸ்க் பிரேக் இதில் இடம்பெறவில்லை என்பது கவனிக்கத்தக்கது.

  

இந்தப் புத்தம் புதிய பல்சர் என்எஸ்160 பைக்கில் ஒற்றை சிலிண்டர் கொண்ட 160சிசி, ஆயில் கூல்டு இஞ்சின் இடம்பெற்றுள்ளது. இது அதிகபட்சமாக 15.05 பிஹச்பி ஆற்றலையும், 14.6 என்எம் டார்க்கையும் வெளிப்படுத்தவல்லது. இதில் 5 வேக கியர் பாக்ஸ் உள்ளது.

  

புதிய பஜாஜ் பல்சர் என்எஸ்160 பைக் ரூ.85,000 எக்ஸ்ஷோரூம் விலையில் கிடைக்கலாம் என கூறப்படுகிறது.

  

என்எஸ்160 பைக்குக்கு இந்த விலை நிர்ணயிக்கப்பட்டால் அது பல்சர் 180 பைக்கை காட்டிலும் கூடுதல் விலை கொண்டதாக இருக்கும். தற்போது பல்சர் 180 பைக் ரூ.77,789(எக்ஸ்ஷோரூம், மும்பை) என்ற விலையில் கிடைத்துவருவது குறிப்பிடத்தக்கது.

  

அதிக போட்டி கொண்ட 150-160சிசி செக்மெண்டில் இடம்பெற இருக்கும் இந்த புதிய பஜாஜ் பல்சர் என்எஸ்160 பைக் டிவிஎஸ் அப்பாச்சி160, சுசுகி ஜிக்ஸர், யமஹா எஃப் எசர்-எஸ், ஹோண்டா சிபி ஹார்னெட்160 ஆகிய பலமான பைக் மாடல்களுடன் போட்டி போட இருக்கிறது.

  

நீண்ட காலமாக 150-160சிசி செக்மெண்டில் சிறந்து விளங்கும் மாடல்களை அளித்து வரும் பஜாஜ் நிறுவனத்தின் புதிய பல்சர் என்எஸ்160 பைக் எதிர்பார்ப்புகளை ஏற்படுத்தி வருகிறது. இந்த புதிய பைக் ஜூலை 2017ல் அறிமுகம் ஆகும் என எதிர்பார்க்கப்படுகிறது.