வழக்கமாக அஜித் படங்கள் என்றாலே இளைஞர்களை ஃபோக்கஸ் செய்து தான் இருக்கும். பல வருடங்களாக மாஸ் படங்களிலேயே நடித்து வந்த அஜித்தை வீரம் படத்தின் மூலம் குடும்பங்கள் ரசிக்கும் படியான படத்தை கொடுத்து அதில் வெற்றியும் கண்டார் இயக்குனர் சிவா.
தொடர்ந்து வேதாளம் படத்திலும் தங்கை செண்டிமெண்ட் வைத்திருந்தார். ஆனால், படத்தின் பிற்பாதியில் வரும் மாஸ் காட்சிகள் செண்டிமெண்டை ஓவர்டேக் செய்து விட்டது என்றே சொல்ல வேண்டும்.
அதன் பிறகு, தற்போது விவேகம் படத்தின் மூலம் அஜித்துடன் மீண்டும் மூன்றாவது முறையாக இணைந்துள்ளார் இயக்குனர் சிவா. இந்த படத்தின் ஃபர்ஸ்ட் லுக் போஸ்டரில் இருந்து டீசர், இரண்டு பாடல்கள் என அனைத்தும் அதிரடி மற்றும் மாஸ் படங்களுக்கே உண்டான பாணியில் இருந்தன.
ஆனால், திடீர் திருப்பமாக கர்நாடிக் இசையில் மனதை மாயக்கும் “காதலாட” என்று தொடங்கும் ஒரு பாடலை சில தினங்களுக்கு முன்பு வெளியிட்டார்கள்.
அஜித் ரசிகர்கள் இந்த பாடலை கேட்டால் கூட இது விவேகம் படத்தின் பாடலா? என்று ஒரு வித சந்தேகத்துடன் கேட்கும் அளவிற்கு படத்தின் மீதான கண்ணோட்டத்தை அப்படியே திருப்பி போட்டு விட்டது இந்த பாடல் என்றே சொல்ல வேண்டும்.
இந்த பாடல் மட்டுமல்ல, பாடலில் இடம் பெரும் காட்சிகள் கூட மனதை மயக்கும் விஷுவல் ட்ரீட்டாகவே உள்ளது. காஜல் அகர்வால் முந்தைய படங்களை விட இந்த படத்தில் மிக அழகாக குடும்ப பாங்கான, பக்கத்து வீட்டு பெண் போல காட்சியளிக்கிறார்.
இந்த காட்சிகளை குறிப்பிட்டு அஜித் ரசிகர் ஒருவர் ” ஃபேமிலி ஆடியன்சையும் கவர் பண்ணியாச்சு..” என்று டிவிட்டரில் கருத்து தெரிவித்துள்ளார். அதனை ஒப்புகொள்ளும் விதமாக அந்த டிவிட்டை லைக் செய்துள்ளார் இயக்குனர் சிவா.
ஆனால், இந்த செண்டிமெண்ட் காட்சிகள் எந்த விதத்திலும் படத்தின் வேகத்தை குறைத்து விடாது என்று இயக்குனர் சிவா முன்பே கூறியிருந்தது குறிப்பிடதக்கது.
Post a Comment