முன்னணி நடிகர்கள் பொதுவெளிக்கு வந்தால் எவ்வளவு கூட்டம் கூடும் என்பது அனைவருக்கும் தெரியும். சமீபத்தில் அரசியல் கட்சி துவங்கிய நடிகர் கமல்ஹாசனுக்கும் அதிக அளவில் ரசிகர்கள் உள்ளனர். அவர் போகும் இடங்களில் அதிக ரசிகர்கள் கூடிவிடுகின்றனர்.
இந்நிலையில் வரும் ஏப்ரல் 3ம் தேதி சென்னை எழும்பூரில் இருந்து திருச்சிக்கு வைகை எக்ஸ்பிரஸில் செல்ல வுள்ளார். இது தற்போது பெரிய பிரச்னையாக வெடித்துள்ளது. எந்தவித முன்னறிவிப்பும் இன்றி கமல் ரயிலில் செல்வதால் அவரது ரசிகர்கள் ரயில் பயணிகளுக்கு அதிகம் இடையூறு செய்வார்கள் என ரயில்வே துறைக்கு புகார் வந்துள்ளது.
பாலிவுட் நடிகர் ஷாருக்கான் ஒருமுறை ரயிலில் சென்றபோது ஒரு ரயில் நிலையத்தில் கூட்டநெரிசலில் சிக்கி ஒருவர் உயிரிழந்தது போல மீண்டும் நடக்கக்கூடாது என அந்த புகாரில் தெரிவிக்கப்பட்டுள்ளது.
பிரச்சனை பெரிதாவதை அறிந்த கமல் தற்போது டிவிட்டரில் ரசிகர்களுக்கு வேண்டுகோள் வைத்துள்ளார். “ரயில் நிலையங்களில் பயணிகளுக்கும் மக்களுக்கும் இடையூறின்றி செய்து விடுவோம்” என கூறியுள்ளார்.
Post a Comment